Azərbaycan Tibb Universiteti

Azərbaycan Tibb Universiteti, tibbi təhsil sahəsində uzunmüddətli təcrübəsi və yüksək keyfiyyətli akademik proqramları ilə tanınır. Universitet əcnəbi və yerli tələbələr üçün müxtəlif fakültələr və ixtisaslar təklif edir. Tibb sahəsində peşəkar kadrların yetişdirilməsinə xüsusi diqqət ayrılan universitetdə tələbələrə həm nəzəri biliklər, həm də praktiki təcrübə əldə etmək imkanı yaradılır.

Azərbaycan Tibb Universitetində müxtəlif tibbi sahələri əhatə edən fakültələr fəaliyyət göstərir. Tələbələr öz maraq və qabiliyyətlərinə uyğun ixtisaslaşma istiqaməti seçə bilərlər:

Tibb Fakültəsi Bu fakültə 6 illik tədris müddəti ilə ən geniş tələbə qəbulu olan fakültədir. Tibb təhsili alan tələbələr, klinik praktikalar vasitəsilə peşəkar təcrübə qazanır və tibbin müxtəlif sahələrində dərin biliklər əldə edirlər.

Stomatologiya Fakültəsi 5 illik təhsil müddətinə sahib bu fakültə, diş həkimliyi sahəsində ixtisaslaşmaq istəyən tələbələr üçün nəzərdə tutulmuşdur. Müasir laboratoriyalar və klinik avadanlıqlar stomatologiya təhsili alan tələbələrin xidmətindədir.

Əczaçılıq Fakültəsi Əczaçılıq təhsili 5 illik müddət ərzində keçirilir və tələbələr dərmanların istehsalı, təsiri və istifadəsi haqqında ətraflı məlumat alırlar. Əczaçılıq fakültəsi məzunları tibbi müəssisələrdə, əczaxanalarda və dərman şirkətlərində işləmək imkanı əldə edir.

İctimai Səhiyyə Fakültəsi İctimai səhiyyə sahəsində ixtisaslaşan tələbələr 4 il müddətində təhsil alaraq, əhalinin sağlamlığının qorunması və səhiyyə sisteminin idarə edilməsi üzrə biliklərə yiyələnirlər.

Azərbaycan Tibb Universiteti (ATU) tələbələrinə keyfiyyətli təhsil ilə yanaşı, rahat və təhlükəsiz yaşayış şəraiti də təmin edir. Universitetin yataqxanaları, tələbələrin ehtiyaclarını qarşılayan müasir şəraitlə təchiz olunub. Yataqxanalar, tələbələr üçün geniş və rahat otaqlar, istirahət zonaları, kitabxana, yeməkxana və idman zalları ilə təchiz olunmuşdur. ATU yataqxanaları tələbələrin yaşayış şəraitinə xüsusi diqqət göstərir və onların rahatlığı üçün hər cür şərait yaradılmışdır.

Yataqxanalarda təhlükəsizlik məsələləri də ciddi şəkildə tənzimlənir. 24 saat fəaliyyət göstərən təhlükəsizlik sistemi və nəzarət kameraları tələbələrin təhlükəsizliyini təmin edir. Yataqxana əraziləri müasir tələblərə uyğun şəkildə təşkil edilib və burada tələbələrin təhlükəsizliyi və komfortu birinci dərəcəlidir. Eyni zamanda, təmizlik və gigiyena standartları yüksək səviyyədə saxlanılır, bu da tələbələr üçün sağlam və təmiz yaşayış mühitini təmin edir.

Azerbaycan Tibb Universitetində əcnəbi tələbələr üçün universitetin yataqxanasında qalma haqqı illik təxminən 882 ABŞ dollarıdır.

Azərbaycan Tibb Universiteti müraciətinizə (sənədlərinizə) baxıb sizinlə online müsahibə təyin edəcəkdir **. Bildirmək istərdik ki, müsahibə ödənişlidir və əcnəbi vətəndaşlar 70 ABŞ dolları (bank rüsumları nəzərə alınmır) həcmində rüsümu ödədikdən sonra onlara online müsahibə vaxtı təyin olunur. Təyin olunmuş gün və saatda müsahibədə iştirak etməyiniz mütləqdir. Müsahibə üçün keyfiyyətli İnternet qoşulma və işləyən veb kamera lazım olacaqdır.

Online müsahibə zamanı sizə tədris dili kimi seçdiyiniz dildə fizika, kimya və biologiya üzrə suallar veriləcək. Sizin dil biliyinizə də qiymət veriləcəkdir. Suallar ümumi orta məktəb proqramını əhatə edəcək. Özünüz və gələcək planlarınız barədə qısa məlumat verməyə də hazır olun.

Azərbaycan Tibb Universitetinə birbaşa online qəbul prosesinə daxil olmaq üçün, zəhmət olmasa "www.wsec.edu.az/online-muraciat.php" linkinə keçid edin.