Gəncə Dövlət Universiteti
Gəncə Dövlət Universiteti və ya qısaca GDU — Azərbaycan Respublikası Təhsil Nazirliyinin tabeliyində olan ali təhsil müəssisəsi.
İnstitut Azərbaycanın qərb zonası üçün müəllim kadrları yetişdirmək üçün yaradılmışdır. 1943-cü ildən institut tam ali təhsil verən tədris müəssisəsinə çevrilmiş və ona Azərbaycanın görkəmli maarifpərvəri və ictimai xadimi Həsən bəy Zərdabinin adı verilmişdir.
Universitet 1938-ci ildə ikiillik Gəncə Müəllimlər İnstitutu kimi fəaliyyətə başlamışdır. 5 illik fəaliyyətdən sonra tam ali təhsil verən H. Zərdabi adına Gəncə Dövlət Pedaqoji İnstitutu kimi yolunu davam etdirmişdir. 2000-ci ildən Gəncə Dövlət Universiteti kimi fəaliyyət göstərir. Universitetdə tədris bakalavr (təhsil müddəti əyani 4 il, qiyabi 5 il) və magistr (təhsil müddəti 2 il) pillələrində aparılır.
Gəncənin mərkəzi hissəsində institutun 3 tədris binası, tələbə şəhərciyində yerləşdirilmiş yataqxanaları vardır.
Universitetin 3 tədris korpusu, kitabxanası, idman zalı, yataqxanası və müasir kompüter avadanliğı ilə təhciz olunmuş informasiya mərkəzi vardır. Universitetdə distant təhsil metodlarının tətbiqi ilə fəaliyyət göstərən "Cisco Şəbəkə Akademiyasının – GDU filialı" tələbələrin müasir İnformasiya-kommunikasiya texnologiyaları sahəsində mütəxəssis kimi hazırlığına xidmət edir.
Fakültələr və İxtisaslar
| Bakalavr | Magistratura | Doktorantura |
|---|---|---|
| Kimya-Biologiya | Riyaziyyat | |
| Riyaziyyat-İnformatika | Riyaziyyat müəllimliyi | |
| Fizika və Texniki fənlər | Kompüter elmləri | |
| Pedaqoji | Fizika | |
| Tarix-Coğrafiya | Fizika müəllimliyi | |
| Xarici Dillər | Kimya | |
| İqtisadiyyat-İdarəetmə | Kimya müəllimliyi | |
| Filologiya | Biologiya | |
| Coğrafiya müəllimliyi | ||
| Ekologiya | ||
| Ekologiya mühəndisliyi | ||
| Tarix | ||
| Tarix müəllimliyi | ||
| Sosial iş | ||
| Azərbaycan dili və ədəbiyyatı müəllimliyi | ||
| Xarici dil müəllimliyi | ||
| Tərcümə | ||
| Pedoqogika | ||
| İbtidai sinif müəllimliyi | ||
| Məktəbəqədər təlim və tərbiyə | ||
| Psixologiya | ||
| İqdisadiyyat | ||
| Mühasibat uçotu və audit | ||
| Dövlət və bələdiyyə idarəetməsi | ||
| Menecment | ||
| Biznesin idarə edilməsi | ||
| Turizm və otelçilik | ||
| Texnologiya müəllimliyi | ||
| Təsviri incəsənət müəllimliyi | ||
| Bədən tərbiyəsi və idman | ||
| Fiziki tərbiyə və çağırışaqədərki hazırlıq müəllimliyi | ||
| Musiqi müəllimliyi |
Gəncə Dövlət Universitetinə birbaşa online qəbul prosesinə daxil olmaq üçün, zəhmət olmasa "www.wsec.edu.az/online-muraciat.php" linkinə keçid edin.
